Азнакайда язгы өмәләр бара

Шәһәребездә язгы чистарыну өмәләре старт алды. Бүген торак-коммуналь хуҗалыгы хезмәткәрләре үзәк урамнарны ялт иттерделәр. – Ишегалларын җыештыручылар иртәнге 3тән эштә, – ди “Универсал Азнакай” идарәче компаниясе мастеры Резеда Касыйм кызы. – Ләкин арабызда чисталыкны саклый белмәүчеләр дә күп. Кешенең хезмәтен хөрмәт итәргә өйрәнсеннәр иде.

Зилия Кармилаева 60 яшен түгәрәкләвенә карамастан, бүген дә эшләп йөри. Гагарин урамындагы 3, 5 нче, Ямашев урамы, 10 нчы йорт ишегалларын җыештыручы ханым, эшем бик ошый, коллективыбыз да дус һәм тату, дип сөенә.