Азнакайда “ДОСААФ чаңгы юлы” ярышлары үтте
16 февральдә Азнакай ДОСААФ бүлеге, район мәгариф идарәсе белән берлектә, “ДОСААФ чаңгы юлы” дип исемләнгән ярышлар уздырды.
Шәһәрнең 8 нче мәктәбе базасында үткән бәйгедә мәктәп укучыларыннан торган алты команда катнашты.
– Ярышлар ДОСААФ оешуга 95 ел тулуга багышланган иде. Аның максаты – үсеп килүче буынга физик һәм патриотик тәрбия бирү, аларның хәрби хезмәткә кызыксынуын тагын да арттыру, балалар арасында кышкы һәм ату спорт төрләрен популярлаштыру, – диде Азнакай ДОСААФ бүлеге җитәкчесе Гәрәй Хәмидуллин.
Ярыш нәтиҗәләре буенча 8 нче мәктәп командасы беренче урынны яулады. 7 нче мәктәп укучылары – икенчедә, гимназия командасы – өченчедә.
Призлы урыннар яулаган командалар Диплом һәм медальләр белән бүләкләнделәр. Җиңүче команда шулай ук кубокка лаек булды.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев