Николай Алексеевич Мальцевның истәлекле бюсты

Тасвирлама:
СССР Нефть һәм газ сәнәгате министры (1977-1985 еллар) Николай Мальцевның истәлекле бюсты. Һәйкәл «Азнакайнефть» идарәсенең административ бинасы каршында урнаштырылган.
Адресы:
Азнакай шәһ., Нефтьчеләр ур.

2006 елның 2 сентябрендә Азнакайда Татарстан Президенты Минтимер Шәймиев катнашында СССРның элеккеге нефть һәм газ сәнәгате министры Николай Мальцевның истәлекле бюсты ачылды. Танылган нефтьчегә истәлек бюстын ачу тантанасында шулай ук Николай Мальцевның тол хатыны Юлия Мальцева катнашты. Николай Алексеевич Мальцев Азнакай районында нефть промыселы идарәсенең беренче җитәкчеләренең берсе, үз тармагында легендар кеше, гади нефтьчедән министрга кадәр юл үткән. Грозный нефть институтын тәмамлаганнан соң, Николай Мальцев республикабызның нефть байлыкларын үзләштерүгә Азнакай районына җибәрелә. 1956 елда ул «Азнакайнефть» НПУ җитәкчесе итеп билгеләнә. 1977-85 елларда СССРның төп ведомстволарының берсе – нефть һәм газ сәнәгате министрлыгын җитәкли.