«Мәңгелек ут» һәйкәле

Тасвирлама:
1985 елның 9 маенда Германияне җиңүнең 40 еллыгы көнендә Җиңү мәйданында куелган. Автор Җамалиев Илдус Галәевич, архитектор, «Азнакайнефть» идарәсендә эшләгән. Һәйкәл металл һәм граниттан эшләнгән.
Адресы:
Азнакай шәһ., Җиңү мәйданы

Азнакайның «Мәңгелек ут» факелы Волгоград шәһәренең Мамай Курганында Мәңгелек уттан кабызылды. Бу мактаулы хокук Кызыл Йолдыз һәм Хезмәт Кызыл Байрагы орденнары кавалеры, ТАССРның атказанган төзүчесе з.з. Хаҗиповка бирелде. Аның белән бергә сугыш ветераннары, производство алдынгылары һәм Азнакай – Волгоград – Азнакай мотоузышында катнашучылар һәлак булганнар монументы янында «Мәңгелек ут» кабыздылар. Яңа монумент өстенә 2000 елгы комсомолларга һәм яшьләргә хат-мөрәҗәгать күчерелде. Ел саен 9 майда һәлак булганнар һәйкәле янында Бөек Җиңү еллыгына багышланган тантаналы чаралар, митинглар уза. 22 июньдә, Хәтер һәм кайгы көнендә һәйкәл янында «Хәтер шәме» акциясе уза, ел дәвамында хәрби дан көннәрендә веноклар кую оештырыла. Азнакай шәһәрендә сакчы сугышчыларның истәлегенә хөрмәт йөзеннән яшь парлар тарафыннан «Мәңгелек ут» һәйкәленә чәчәкләр салу традициясе ныгыды. «Мәңгелек ут» янәшәсендә 2013 елда сугыш балаларына һәм тыл хезмәтчәннәренә багышланган монументлар урнаштырылган.