Слайдер

Җирлегебездә 1 апрельдән старт алган санитар икеайлык дәвам итә.

Коронавирус таралу куркынычыннан саклану өчен медицина битлекләренә туган кытлыкны хәл итүгә районыбызның кул эше осталары да кушылды. Волонтерларыбыз йөзләгән шундый битлекләр җитештерә. Чимал белән нефтьчеләребез ярдәм итә. Мәктәпләрнең технология укытучылары да читтә калмады. Әйтик, 9 нчы мәктәпнең балаларны хезмәткә өйрәтү укытучысы Регина Мәгъдиева кызы Ләйсән белән өлкәннәребез өчен 200 ләп битлек текте.

Районыбызда волонтерлар хәрәкәте киң колач алды. Алар заявкалары нигезендә 65 яшьтән узган өлкәннәргә, чит илдән кайтып карантинда ятучыларга азык-төлек, яшәү өчен беренчел кирәк-яраклар китерәләр. Ирина Халикованы да кибеткә чираттагы заявка буенча товар алырга кергән җирендә очраттык. –Чит илдән кайтучы бу гаиләгә беренче генә килүебез түгел, – диде ул. – Бу юлы менә җиләк-җимеш, яшелчә сорадылар. Волонтерлар бер-беребезне алыштырып, чиратлашып йөрибез. Кемдер безнең ярдәмгә мохтаҗ икән, без әзер. Барыбер өйдә утырабыз бит, бу вакытны игелек кылып үткәрергә теләүчеләр сафы тулылана тора. Өлкәннәребез дә, карантинда утырганнар да бик рәхмәтле булып кала. Районыбызның яшьләр белән эшләү идарәсен җитәкләгән Флорис Гарипов бүгенге көндә районда 100 дән артык волонтерның шушы игелекле чарада катнашуын җиткерде. – Волонтерлар ярдәме кирәк булганда, 7-19-04 телефоны аша “Кайнар линия”гә шалтыратып, заявкалар бирә алалар, – диде ул.

Санитар-эпидемиология комиссиясенең чираттагы утырышын аның рәисе, район башлыгы Марсель Шәйдуллин алып барды.

Якынча мәгълүматлар буенча, Ямашев урамындагы күпфатирлы йорттагы юыну бүлмәсендә ут сүндерелмәгән тәмәке нәтиҗәсендә килеп чыккан.

Бүген Татарстан Республикасы мәгариф һәм фән министры урынбасары Станислав Андреев Азнакайга эшлекле визит ясады.

Чираттагы штаб утырышында сүз районда яңа коронавирус инфекциясеннән саклану, эпидемиологик хәлне контрольдә тоту максатында профилактик чаралар турында барды. Аны район башлыгы урынбасары Наҗәт Нәгыймов үткәрде. Безнең районда бу чирнең бер генә очрагы да теркәлмәсә дә, саклану чаралары күрү игътибар үзәгендә тора. 15 апрельгә кадәр барлык төр мәдәни, спорт, башка массакүләм чаралар туктатып торыла. Министрлар Кабинеты карары нигезендә күңел ачу урыннарында кешеләрнең күпләп җыелып бәйрәм итүләре, кальян тартулар катгый тыела. Чит илләрдән кайтучылар 14 көн карантинда булырга тиеш. Алар кайту турында һичшиксез, шунда ук хәбәр итәргә тиешләр, моңа бик җаваплы карарга кирәк, таләпне бозучыларга дәүләт тарафыннан җәза чаралары карала. Бу хакта Роспотребнадзорның территориаль бүлегенә 9-36-01, 7-14-80, 9-30-83 телефоннары аша, 7-20- 01 бердәм диспетчер хезмәтенә җиткерү сорала. Хәзерге вакытта язгы каникулда булган мәктәп укучыларының урамда 19.00 сәгатьтән соң йөрүе дә катгый тыела. Бу таләп бозылганда, әти-әниләр җавап тотачак. Җирлегебездә яшәүче ялгыз өлкәннәргә, чит кеше ярдәменә мохтаҗ физик мөмкинлекләре чикләнгәннәргә азык-төлек белән тәэмин ителештә волонтерлар ярдәме оештырылды. Алар 8.00-17.00 сәгатьләрдә һәм бары тик алдан шалтыратып, кемлеген әйтеп кенә киләчәк. Бу мошенниклардан саклану чарасы. Югарыда әйтелгән категория кешеләр кибеттән азык-төлек, аптекадан дару алуда ярдәм кирәк булганда 7-19-04 (социаль яклау бүлеге) һәм 7-22-74 телефоннары аша мөрәҗәгать итә алалар.

Азнакай районы аграрийлары уҗым культураларын һәм күпьеллык үләннәрне тукландыруга керештеләр.

Югары Стәрледә гомер итүче Рәхимҗан Гыйльфановны күркәм юбилее белән котларга якыннары, район җитәкчелеге җыелды.

Аны туган көне белән район башлыгы Марсель Шәйдуллин, үзенең элеккеге җитәкчесе Владимир Кротов өена барып котладылар.

Районда коронавирус таралуга юл куймау буенча штаб төзелде. Аның белән муниципаль район башлыгы Марсель Шәйдуллин җитәкчелек итә.

Районның Наҗәт Нәгыймов җитәкчелегендәге хезмәтне саклау комиссиясенең чираттагы утырышы бүгенге көннең актуаль мәсьәләләре, шул ук коронавирус белән килеп туган хәл торышы хакында сөйләшүдән башланды.

Ак мәчеттә районыбызның 40 имам-хатыйбына шәһадәтнамәләр тапшырдылар. Бу чарада Татарстан Диния нәзарәтеннән Равил хәзрәт Зөфәров, район башлыгы урынбасары Наҗәт Нәгыймов, мөхтәсиб Азат Талибуллин да катнаштылар.

“Маяк” газетасы редакциясендә зур бәйрәм узды.

Бүген Азнакайда республика ветеринарлар семинар-киңәшмәсе узды. Аның эшендә Татарстанның Баш дәүләт ветеринария идарәсе җитәкчесе Алмаз Хисаметдинов, район җитәкчелеге, Баш ветеринария идарәсе белгечләре катнашты.