фото
Азнакай яшеллеккә төренә
Ямьле яз иңүгә шәһәребез янә яшел шәлен япты.
Ел саен меңләгән төп үсенте утыртылып килә аның эчендә дә, тирә-ягына да. Менә быел да агач утырту эшләре иртә язда ук башланып, әлегәчә дәвам итә. Бүген, уразаның соңгы көнендә дә районыбызның хезмәт коллективлары бердәм булып өмәгә чыкты. 2021 ел башыннан 2 мең гектарга якын җирдә 5 миллионлап агач утыртылды. Бу изге эштә нефтьчеләребезнең ярдәме аеруча зур. Аннары, җирлегебездә бу юнәлештә төрле игелек акцияләре дә алып барыла.
Район башкарма комитеты җитәкчесе Айдар Шәмсетдинов өмәдә катнашучыларга район җитәкчелегенең зур рәхмәтләрен җиткерде.
Нет комментариев