Азнакай осталары саклану битлекләре тегә

Коронавирус таралу куркынычыннан саклану өчен медицина битлекләренә туган кытлыкны хәл итүгә районыбызның кул эше осталары да кушылды. Волонтерларыбыз йөзләгән шундый битлекләр җитештерә. Чимал белән нефтьчеләребез ярдәм итә. Мәктәпләрнең технология укытучылары да читтә калмады. Әйтик, 9 нчы мәктәпнең балаларны хезмәткә өйрәтү укытучысы Регина Мәгъдиева кызы Ләйсән белән өлкәннәребез өчен 200 ләп битлек текте.