фото
Азнакайлылар этнографик диктант язды
Бүген, Халыклар бердәмлеге көне алдыннан, азнакайлылар "Зур этнографик диктант" Бөтенроссия акциясенә кушылдылар.
Диктант язу мәйданчыклары итеп район үзәк һәм район балалар китапханәләре билгеләнде.
“Әлеге проект Россия халыкларының мәдәнияты белән таныштыруга һәм бу өлкәдә белемнәрне тикшерүгә юнәлдерелгән. Диктант биремнәре тест рәвешендә, утыз сораудан торды. Аны язу өчен елдагыча 45 минут вакыт каралган иде. Барлык биремнәрне үтәгән өчен максималь йөз балл бирелә. Азнакайлылар актив катнашты, ике мәйданчыкта 100 гә якын кеше диктант язды”, – диде район үзәк китапханәсе директоры Зөлфия Исламова.
Нет комментариев