Азнакайда Әгъдәс Әхтәмов истәлегенә чаңгы ярышы үтте

Ул Мәлбагыш мәктәбендә физкультура укытучысы булып эшләгән, үз чорында бик күп балаларда спортка мәхәббәт тәрбияләгән Әхтәмов Әгъдәс Әдгам улы истәлегенә багышланган иде.
Ярышларда мәктәп укучыларыннан алып өлкән яшьтәге чаңгычылар да старт сызыгына басты.
Ярышларны ачу тантанасында район Советы аппарат җитәкчесе Айдар Хәлиуллин, Мәлбагыш авыл җирлеге башлыгы Азат Әхмәтшин да катнашты.
Хатын-кызлар - 1200, ир-атлар 2400 ирекле стильдә узыштылар. Үз яшендәгеләр арасында Вячеслав Ивлеев, Денис Ишимбаев, Рамил Халиков, Азат Йосыпов, Салават Шәрәфиев, Раян Фәтклисламов, Әдилә Халикова, Мансур Галләмов, Аделия Низаметдинова, Резеда Шакирова, Нәфисә Шәфыйкова, Рәзилә Шәрипова беренче килделәр. Җиңүчеләр һәм призлы урыннарга лаек булучылар медаль һәм Мактау грамоталары белән бүләкләнде.