Азнакай район муниципаль хезмәткәрләре футбол командасы - республикада икенче!

Бүген футбол командалары арасында көчлеләр ачыкланды. Әлмәт шәһәрендә 17-18 ноябрьдә узган мини-футбол турнирында Азнакай, Казан, Зәй, Яшел Үзән, Яр Чаллы, Түбән Кама, Нурлат, Бөгелмә, Чистай, Лениногорск, Алабуга командалары катнашты. Киеренке көрәштә район башлыгы Марсель Шәйдуллин җитәкчелегендәге муниципаль хезмәткәрләр командасы Бөгелмә, Чистай, Яр Чаллы уенчыларын артта калдырып икенче урынга лаек булдылар. Беренче урында – Казан спортчылары.

Муниципаль хезмәткәрләр спартакиадасы кысаларында барлыгы ун спорт төре буенча ярышлар каралган. Алар нәтиҗәләре буенча республиканың иң көчле муниципаль хезмәткәрләре командасы ачыклана.