“Замандаш”та күңелле

Менә өч ел инде халыкка социаль хезмәт күрсәтү үзәге каршында "Замандаш" клубы эшли. Без - күңел төшенкелегенә бирелеп, ялгызлыктан интегеп, үзләрен кая куярга белми йөргән 20 дән артык өлкән яшьтәге апалар, менә өч ел инде сөенешеп шул клубка йөрибез. Бер-беребез белән очрашкач, хәл-әхвәлләр сорашабыз, догалар укыйбыз, вәгазьләр сөйлибез, дөнья хәлләрен уртага салып сөйләшәбез. Яшь чактагы уен-җырларны искә төшереп җырлап-биеп тә алабыз. Яшьлегебез җырларын искә алганда клуб җитәкчебез Кадрия Зарипова өздереп гармун уйный. Ул социаль үзәк җитәкчеләре белән берлектә төрле очрашулар, экскурсияләр, түгәрәк өстәлләр уздыра, туган көннәребез дә бик күңелле уза.

Хәкимә Абдуллина