Яңа җиһаз мөмкинлекләр бирә

2010 елда Россия Гадәттән тыш хәлләр министрлыгы янгыннар, кешеләр күп булган, катлаулы корылмаларда зур янгын җәелү куркынычы турында мәгълүматларны тапшыру һәм эшкәртү мониторингы программалы-аппарат комплексыннан (алга таба -җиһаз) файдалана башлады.

Җиһазның төп бурычы - янгын сигнализациясе янып китүнең беренче билгеләрен сизүгә үк объект персоналыннан башка гына турыдан-туры янгын частена яки кризислы хәлләрдә идарә үзәге дежур-диспетчер хезмәтенә бер минут эчендә сигнал җибәрү. Бу, үз чиратында, янгын сүндерүчеләргә аны башында ук (10-20 минуттан соң) сүндерүгә керешү мөмкинлеге биреп, янгынның зыянын киметүгә ярдәм итәчәк.

Әлеге җиһаз элемтәнең барлык каналлары аша үтә, шулай да төп канал булып МЧС өчен бирелгән радиоканал тора.

Янгын куркынычсызлыгы өлкәсендәге норматив документлар нигезендә мәктәпкәчә балалар учреждениеләре, мәктәпләр, мәдәният йортлары, картлар һәм инвалидлар интернат-йортлары биналары янгын частена автомат янгын сигнализациясе мәгълүматларын тапшыру каналы белән җиһазландырылган булырга тиеш.

Р.Зарипов, ТРның Азнакай районы буенча ОНД начальнигы, эчке хезмәт подполковнигы