Тукай безнең күңелләрдә

Тукай - безнең юлдашыбыз. Аның Шурәлесе, Су анасы, Кәҗә белән Сарыгы һәм башка геройлары сабый чактан бүгенге көнгә кадәр безне озатып килә. Шәһәребезнең балалар үзәк китапханәсендә "Габдулла Тукайның әкиятләре һәм шигырьләре илендә" исемле кичә узды. Аны 8 нче "Гнездышко" һәм 4 нче "Светлячок" балалар бакчаларының татар теле тәрбиячеләре Айгөл Солтангирова, Дилбәр Мөхәмәтшина оештырдылар. Мәктәпкә хәзерлек һәм зурлар төркеменә йөруче балалар Г.Тукайның иҗатына багышланган белемнәрен күрсәттеләр. Язучының "Су анасы", "Шүрәле", "Бала белән кубәләк", "Кызыклы шәкерт" һәм башка әкиятләрен сәхнәләштерүләре, шигырьләрен интонация белән укулары китапханә хезмәткәрләренә дә бик охшады. Әлеге кичә тәрбиячеләрнең балаларда туган телебезгә мәхәббәт уятуда зур эш алып баруларын күрсәтте.