«Торак» янгын-профилактик операциясе дәвам итә.

5-7 июнь көннәрендә 24 нче янгын сүндерү булеге хезмәткәрләре газ хуҗалыгы һәм социаль яклау идарәсе белгечләре белән бергә янгын саклау хезмәткәрләре торак секторда янгыннарны кисәтү буенча эш үткәрделәр. Азнакайда Солтангалиев, Хәсәнов, Нефтьчеләр, Болгар урамнары буенча янгын-профилактик рейд узды. 24 нче янгын сүндерү булеге инспекторлары Эльвира Сәлимҗанова, Альбина Кәлимуллина, Алсу Сәмигуллина биредә яшәүчеләр белән янгын куркынычсызлыгы чаралары, янгын чыккан очракта шәхси куркынычсызлык таләпләрен үтәү турында аңлату әңгәмәләре үткәрделәр, шулай ук гражданнарга янгын куркынычсызлыгы буенча белешмәлекләр тапшырдылар.

24 нче янгын сүндерү бүлеге пресса хезмәте.