“Әти-әниләрне яздыр. Якыннарны яздыр” акциясенә “Маяк” газетасының иҗат коллективы да кушылды

"Маяк"лылар якыннарын газета-журналларга яздырды

"ТАТМЕДИА" игълан иткән вакытлы матбугатка яздыру акциясенә без - "Маяк" газетасының иҗат коллективы һәм "Гөлстан" берләшмәсе әгъзалары да актив кушылдык, әти-әниләребезгә бүләк ясап, алар өчен районыбызның бердәнбер басмасы булган "Маяк" газетасына һәм республикада нәшер ителүче газета-журналларга язылдык. Башка райондашларыбызны, газета укучыларны да бу акциягә кушылырга һәм якыннарыгызга да вакытлы матбугатка язылу баруы турында исләренә төшерергә чакырабыз. Вакытлы матбугатка дәүләт хезмәтләре порталы аша да язылырга була. Язылу кампаниясе тәмамланырга санаулы көннәр генә калып бара, ашыгыйк, җәмәгать!