Ташуга әзер торыйк

Белгечләр фикеренчә, Ык буе тирәлегендә урнашкан 14 торак пункты су ташуы астында калырга мөмкин, ә бу 220 дән артык йорт дигән сүз.

Шуңа да ташуга бик җитди карарга һәм алдан ук саклану чараларын күрергә кирәк: ихаталарны кар көртләреннән чистартыгыз, су агар өчен канаулар казыгыз, кечкенә дамбалар ясап, юлын бүлү ягын карагыз. Балалар һәм өлкән яшьтәгеләрне куркынычсыз урынга урнаштыру, мөлкәтне һәм кыйммәтле әйберләрне саклап калу өчен мөмкин булганның барын да эшләгез.

Ә инде экстремаль очраклар туганда ярдәм сорап бердәм дежур-диспетчерлык коткару хезмәтенә түбәндәге телефоннар аша 01, 7-20-01, мобиль телефонга - 112 һәм җирле власть органнарына мөрәҗәгать итәргә кирәк.