Ә сез беләсезме?

ИА "Татар-информ", 8 октябрь 2015 - 06:35

589

*Ишек шыгырдый башласа, күгәненә машина мае сөртәләр. Ләкин иң элек ишек астына чөй кыстырып, азрак күтәртегез. Аннары күгән аралыкларына берничә тамчы май тамызыгыз. Карандаш грифеле дә бик әйбәт. *Ишек үзеннән-үзе ачыла яки ябыла икән, күгәннәр дөрес беркетелмәгән дигән сүз. Ишек ачылып китә торган булса, өске күгән астына катыргы куялар. Ишек...

*Ишек үзеннән-үзе ачыла яки ябыла икән, күгәннәр дөрес беркетелмәгән дигән сүз. Ишек ачылып китә торган булса, өске күгән астына катыргы куялар. Ишек ябылып китсә, катыргыны аскы күгәнгә кыстыралар. Ишек идәнгә тия башласа, күгән араларына алка кыстырып, майларга киңәш ителә. Бу да ярдәм итмәсә, тупса-күгәннәрне бераз күтәрергә туры киләчәк.

*Идән сыдырылмасын дисәгез, өстәл, урындык, диван аякларына киез аслыклар ябыштырып куегыз.

*Ә идән шыгырдаса? Ул чагында идән ярыкларына тальк сибегез. Даруханәләрдә сатыла ул. Тальк идәнгә тия күрмәсен, аксыл тапларны бетерүе кыен булыр.

* Мебельләрегездә (шкаф, өстәл, сервант) тырналган, сыдырылган эзләр булса, аптырап калмагыз. Шул төстәге аяк киеме кремы алыгыз да сыдырылган урынга сөртегез. Ә аннары постау белән ышкып ялтыратыгыз.

*Өстәл өстенә кайнар чәйнек, чәшкә куйсаң, ак таплар барлыкка килә. Моннан ничек котылырга? Тап бик тирәнгә китмәгән булса, ул урынны спирт белән ышкыгыз. Кибетләрдә җиңел машина кузовларын ялтырата торган махсус пасталар сатыла. Аны да кулланырга мөмкин. Чүпрәкне паста белән чылатыгыз да, әйләнмә хәрәкәтләр ясап, тапны яхшылап сөртегез. Тапның эзе дә калмас.

*Су алганда бердәнбер ачкычыгыз коега төшеп китте, ди. Нишләргә? Югалып калмагыз, бауга магнит кисәге бәйләп, ачкычыгызны тартып алыгыз.

Следите за самым важным и интересным в Telegram-каналеТатмедиа

Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!