Сакчыллык кирәк

Бөтендөнья су ресурсларын саклау көне җәмәгатьчелекнең игътибарын алардан ни рәвешле файдалануыбызның яшәү дәрәҗәсенә турыдан-туры бәйле булуына юнәлтү максатыннан үткәрелә.

Чиста су - яшәешебезнең төп нигезе һәм аеруча кыйммәтле табигый байлык. Сусыз тормыш юк. Бүгенге көндә ул электр энергиясе кебек үк мөһим стратегик ресурс. Ансыз икътисади, социаль үсеш юк. Шуңа күрә дә төп бурычыбыз - елгаларыбыздагы суны чиста, ә эчә торган су байлыкларын сак һәм нәтиҗәле тоту. Су запасын үзебездән соңгы буыннарга да калдырыйк.

Районыбыз җирлегендәге Ык, Стәрле елгалары да саклана торган табигый байлыклар санала. Закон тәртибендә каралган кагыйдәләрне үтәп, үзебез файдаланган, хозур кылган бу сулыкларны күз карасыдай саклыйк, җәмәгать!

"Чатыр-Тау" ГПКЗ администрациясе