Сабыеңны ислам кануннары буенча табарга теләсәң, Азнакайга кил!
Азнакайда тарихка кереп калырдай мөһим вакыйга: Бала тудыру йортында ислам кануннары буенча туган беренче бала теркәлде.
Тантаналы вакыйгада район башкарма комитеты җитәкчесе урынбасары Дамир Гыйләҗев, ЗАГС бүлеге мөдире Айгөл Хәсәнова катнаштылар һәм иң изге теләкләрен җиткерделәр. Бу Айгөл белән Салават Камалетдиновларның икенче сабые, малайның исеме дә билгеле – Абдулла. Алар Мөслим районыннан ук килгәннәр.
«Гаиләбез белән ислам дине кануннарын саклыйбыз. Миңа монда бар да ошады. Табиблар, шәфкать туташлары, барлык хезмәткәрләр дә: хатын-кызлар. Шулкадәр игътибарлы, ягымлылар. Аларга бик рәхмәтлемен. Хәләл ризыклар, аерым палатка, кыскасы, барысы да ислам кануннары буенча», ди Айгөл ханым.
Мөселманнарның гозерләрен үтәп, күпсанлы сораулар буенча, Азнакаебызда махсус палаткалар булдырылуы куанычлы күренеш. Ә инде сабыйларын тудырырга башка районнардан килүләре тагын да сөенечле хәл.
Тулырак “Маяк” газетасыннан укырсыз.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев