Сабан туе 10-11 июньдә узачак

Җомга көнне Сабан туена әзерлек мәсьәләләре буенча беренче рәсми утырыш узды. Район башлыгы вазифаларын башкаручы Марсель Шәйдуллин районнарда Җиңү бәйрәменең оешкан төстә үтүен ассызыклады һәм аны оештыручыларга рәхмәтен җиткерде.

ТР Президенты фәрманы буенча, быел Сабантуйлар авыл-районнарда 10-12 июньдә узачак. Авылларда - 10 июньдә, шәһәрдә - 11 июньдә үткәрү планлаштырыла. Ул ТРда Тарихи-мәдәни мирас елы һәм Азнакай шәһәренең 25 еллыгы кысаларында узачак. Бердәм әзерләнгәндә, һәрберебез үз өлешен керткәндә, бәйрәмебез тагын да күркәмрәк булыр. Шуңа да киңәшмәдә һәр оешма-предприятиегә йөкләмәләр җиткерелде.