Райондагы һәйкәлләрнең торышы ничек?

Бөек Ватан сугышы каһарманнарына районда куелган 63 һәйкәлнең күбесе яхшы халәттә, алар һәр елны төзекләндерелеп, буялып тора. Әмма кайбер авыл җирлекләрендә аларның ярымҗимерек хәлдәгеләре дә бар, салкын, кар-буранлы кыштан соң бу хәл аеруча күзгә ташлана. Чәршәмбе көнне Җиңүнең 70 еллыгына әзерлек барышына багышланган районкүләм утырышта бу хакта җитди сүз барды. Әйтик, Сукаеш, Сәпәй, Әлкәй авылларында аларны ремонтлау сорала. Батырлар истәлеген мәңгеләштерүдә аларның балалары, оныклары - барыбыз да ярдәм итик.