Мәдәният хезмәткәрләре Азнакаебыз данын еракларга тарата

Азнакайда мәдәни дөнья тулы көченә кайный. Сәнгать осталарыбыз район күләмендә үткәрелгән бер генә чарадан да читтә калмый. Алар Азнакай данын республика күләмендә генә түгел, чит төбәкләрдә һәм илләрдә дә лаеклы яклыйлар. Бу хакта төрле бәйгеләрдә җиңүләр, фестивальләрдә катнашулар ачык сөйли. Мәдәният идарәсенең еллык отчет җыелышында да һәр чыгышта бу хакта ачык яктыртылды. Район башкарма комитеты җитәкчесенең социаль мәсьәләләр буенча урынбасары Дамир Гыйләҗев мәдәният хезмәткәрләре эшенә югары бәя бирде һәм алга таба да уңышлар теләде.