Азнакайда санитар ике айлык игълан ителгәнгә бик күп вакыт узмаса да (Азнакайда санитар ике айлык башланды), район һәм шәһәр җирлегендә тирә-якны тазарту, төзекләндерү буенча шактый гына эш башкарылды.
Оешма-предприятие, учреждениеләр үзләренә беркетелгән территорияләрне чистартты.
Санитар-экологик өмәләрдән "Маяк" газетасы да читтә калмады. Кулга тырма-себерке тотып, редакция алдын коллектив тиз арада ялт иттереп куйды.
Санитар ике айлык дәвам итә. Димәк, һәрберебез шәһәрне чүп-чардан арындыруга әле дә үз өлешебезне кертә алабыз. Азнакай- уртак йортыбыз. Анда чиста, уңайлы булсын өчен күмәк көч куйыйк һәм бер-беребез хезмәтенең кадерен белеп, кадерләп саклыйк!
Нет комментариев