“Маяк” икенче урынны яулады Азнакай судьясы Сания Ибраһимова – “Ел судьясы” исеменә лаек булды

Татарстан Президенты Рөстәм Миңнеханов катнашында республика судьяларының ХI конференциясе үтте. Анда "Ел Фемидасы" бәйгесендә Азнакай районында чыгып килүче үзебезнең "Маяк" газетасының икенче урынны яулавын хәбәр иткән идек инде. Конференциядә шулай ук "Иң яхшы һөнәр иясе" бәйгесенә дә йомгак ясалды һәм анда Азнакай шәһәр суды 3 номинация буенча иң яхшылар рәтенә чыкты. 1нче суд участогы җәмгыяви судьясы Сания Ибраһимова "Ел судьясы" исеменә лаек булды. Шәһәр судының "Фемида" матбугат үзәге республикада шулай ук иң яхшы үзәк дип табылды. Җиңүчеләргә бүләкләрне Югары Суд рәисе И.И.Гилазов, суд департаменты идарәсе начальнигы З.М.Салихов, жюри рәисе, "Казанские ведомости" газетасының баш мөхәррире В.А.Якупова тапшырдылар.