Машина йөртү рөхсәт ителми

Азнакай шәһәр прокуратурасы тарафыннан юл һәлакәтсезлеге закончалыкларының сакланышы тикшерелде. Тикшерү барышында наркологта исәптә торучының машина белән идарә итүе ачыкланды. Тиешле закончалыклар нигезендә хроник алкоголизм, наркомания, токсикомания белән авыручыларга транспорт белән идарә итү хокукы бары тик дәваланганнан соң һәм исәптән төшкәннән соң гына рөхсәт ителә. Наркотик кулланучының автотранспорт белән идарә итүе үзенә генә түгел, гражданнарның да иминлегенә куркыныч тудыра. Азнакай шәһәр прокуроры наркомания белән авыручыны транспорт белән идарә итү хокукыннан мәхрүм итү турында дәгъва гаризасы белән шәһәр судына мөрәҗәгать итте. Гариза каралу стадиясендә.

Азнакай шәһәр прокуратурасы