Кыр эшләре көндәлеге

Язгы кыр эшләре көннән-көн кызу темплар ала.

Оператив мәгълүматларга караганда, 24 апрельгә район басуларындагы күпьеллык үләннең 34, уҗымның 36 проценты өстәмә тукландырылган, 84 проц. күпьеллык үлән, 27 проц. көзен сөрелгән һәм пар, 35 проц. уҗым җире тырмаланган.

Иртә бөртек культуралары чәчү агросәнәгать хуҗалыкларының барысында да уңышлы башланып китте. Бүгенгә аның 20 проценты башкарылган инде. Бу эш "Таллы Бүләк" (81 проц.), Мөстәкыймов исем., "Стәрле" (55 проц.), "Кәримов КФХсы" (50 проц.) агропредприятиеләрендә яхшы бара.