Зөфәр Шәйдуллин истәлегенә турнирда Азнакай көрәшчеләре дә катнашты

14 мартта "Татнефть" ААҖнең спорт комплексында үсмерләр арасында милли көрәш буенча Россиянең һәм Татарстанның атказанган авыл хуҗалыгы хезмәткәре Зөфәр Шәйдуллин истәлегенә турнир булып үтте. Унынчы тапкыр оештырылучы бу спорт чарасында республиканың шәһәр-районнарыннан, Башкортостан, Оренбург якларыннан килгән көрәшчеләр арасында азнакайлылар да бар иде. Унбиш команда арасыннан безнекеләр өченче урынга лаек булды.

Турнирны ачу тантанасында Әлмәт муниципаль районы башкарма комитеты җитәкчесе вазифаларын башкаручы Айрат Хәйруллин, Зөфәр Шәйдулинның улы - Азнакай муниципаль районы башлыгы Марсель Шәйдуллин, аның туганнары, авылдашлары, дуслары катнашты. Марсель Шәйдуллин әлмәтлеләргә җылы кабул итүләре өчен рәхмәтен белдерде