Игътибар, бәйге! 

Татарстан Архив хезмәтенең 100 еллык һәм Азнакай районы башкарма комитеты архив бүлегенең 85 еллык юбилейлары уңаеннан “Маяк” газетасы белән берлектә “Иң борынгы документ” дигән бәйге игълан ителә. 

Конкурска эшләр түбәндәге номинацияләр буенча кабул ителә: 
– “Иң борынгы документ”; 
– “Иң борынгы фотосурәт”; 
– “Мин архивны ничек күзаллыйм” дигән иң кызыклы рәсем. 
Туган ягыбыз, хезмәт коллективларының тарихы белән бәйле үзегездә сакланган уникаль документлар, хатлар, плакатлар, открыткалар, газеталар, таныклыклар, буклетлар, фотосурәтләрне Мәрҗани ур., 22 а адресы буенча архив бүлегендә көтеп калабыз. 
Интернеттагы фотоларны кулланмавыгызны сорыйбыз. Электрон версиядә саклаганнан соң фотосурәтләр һәм документлар хуҗаларына кире кайтарыла ала. 
Белешмәләр өчен тел.: 7-24-86.

Фото pixabay.com