Ранэль Богданов белән Рената Таҗетдиновадан аермалы буларак, Сәйдә Мөхәммәтҗанова ярымфиналга да узды. Әмма 13 яшьлек якташыбыз финалга чыга алмады.
"Беренче канал"дагы кичәге эфирдан соң, Сәйдә "ВКонтакте"дагы рәсми битендә җанатарларына рәхмәтен белдерде.
- Дусларым, зинһар өчен мине финалга узмады дип борчылмагыз. Сез күргәннәрнең барысы да беренче чиратта шоу булды. Мин язмыш биргән мөмкинлектән файдаландым һәм бу шоуга яңалык кертергә теләдем - "Беренче канал" сәхнәсеннән татар җырын башкарырга хыялландым, бигрәк тә халыкныкын. Моннан тыш, гарәп телендә дә җырладым. Әйдәгез, Илебезне, телебезне, мәдәниятебезне һәм динебезне яратыйк. Бөтен матурлыгыбыз шунда. Теләктәшлегегез өчен рәхмәт! - дип язды Сәйдә.
Нет комментариев