”Ел иреклесе” республика конкурсының район этабына йомгак ясалды

Бу дүшәмбедә Яшьләр үзәгендә "Ел иреклесе" республика конкурсының район этабына йомгак ясалды. Мөһим социаль проблемаларын хәл итүгә үзеннән өлеш кертүче яшьләр үсеп килүче буынга хәрби-патиротик тәрбия бирү, хәйриячелек, сәламәт яшәү рәвешен пропагандалау, тирә-як мохитне, җәмәгатьчелек тәртибен саклау, тарихи һәйкәлләрне торгызу юнәлешләрендә эшләрен тәкъдим итте. "Елның ирекле проекты" номинациясендә "Урманнарны янгыннардан саклыйк" проекты белән Кәкре Елга мәктәбенең "Йолдызлык" дружина советы беренче урынны яулады. Ә "Ел иреклесе" номинациясендә беренче урында - Азнакай 8 нче урта мәктәбенең "АГНИВО" ирекле отряды, икенче урында - гимназиянең "Импульс" ирекле берләшмәсе, ә өченче урында - Актүбә 3 нче мәктәбенең тимурчылар отряды. Аларның һәрберсенә Дипломнар һәм истәлекле бүләкләр тапшырылды.