Азнакайның 4 нче лицеенда Әлифба бәйрәме үтте. ФОТО, ВИДЕОРЕПОРТАЖ.

Азнакай шәһәренең 4 нче лицеенда белем алучы 1 Б класс укучылары Әлифба белән хушлашты.

- Әлифба бәйрәме - укучыларның ярты еллык эшенә йомгак ясау тантанасы ул. Балаларның барысы да укырга, язарга, матур итеп сөйләргә, әдәпле булырга, өлкәннәрне һәм кечкенәләрне ихтирам итәргә, ирешкән уңышларга шатланырга, ярдәмчел булырга өйрәнделәр, - диде сыйныф җитәкчесе Наилә Бикмөхәмәтова үзенең чыгышында һәм әлеге тантананың ата-аналар, балалар, укытучы өчен дә уртак бәйрәм булуын ассызыклап, кунакларга рәхмәт сүзләрен ирештерде.