Азнакайның 2 нче ТОСы балаларга шәп кәеф өләште

Аны күңелле дә, файдалы да итү өчен шәһәренң 2 нче территориаль иҗтимагый үзидарәсе Гөлфия Шәрәфетдинова үзенең активистлары белән нинди генә чаралар уйлап тапмый. Шуларның берсе – Балаларны яклау көне уңаеннан, 8 нче мәктәп укытучылары, “Алтын балык” балалар бакчасы коллективы катнашында, киң колач белән узды. Анда кызлар-малайлар рәхәтләнеп күңел ачты, бәйгеләрдә көч сынашты. Бәйрәмне истәлекле дә, бүләкле дә итүдә иганәче В.А.Поповның да зур ярдәме тиде.

–Сабыйларның шат авазларын ишетү, елмаюлы карашларын күрүдән дә олы сөенеч юк, – ди ТОС җитәкчесе Гөлфия Шәрәфетдинова. –Җәй озын әле, шәт, мондый очрашулар тагын да булып торыр.