Азнакайлылар бәйрәм итә белә (ФОТО)

Лиза НУРЛЫЕВА, 10 октябрь 2019 - 11:35

1112

Дөресен генә әйткәндә, безнең әле бу кадәр биегән юк иде, диделәр 4 нче октябрь көнне Яшьләр үзәге үткәргән "Бер күрешү-үзе бер гомер" дип аталган Өлкәннәр көненә багышланган кичәдә катнашучылар.

Бу бәйрәмдә районыбызының 13 ТОС җитәкчесе дә катнашты. Алардагы энергия, көч яшьләр көнләшерлек. Нинди генә уен игълан ителмәсен, бердәм йөгереп чыгып катнашалар, яттан озын-озын шигырьләр сөйләп, гармунда да уйнап, җырлап, дәрләнеп биеп, менә дигән итеп күңел ачты алар. Юк, картаймый икән йөрәк! Яшьләр үзәге хезмәткәрләре аларга карап моңа тагын бер кат инанды. Кичәдә шулай ук үзәк инстаграм челтәрендә үткәргән "Әбиемнең бәхет рецепты" конкурсына да нәтиҗә ясалды.