Азнакайлылар, бурычларыгыз турында беләсезме?

Чираттагы шундый чараны суд приставлары МФЦ бинасында уздырды. Аның максаты – гражданнарга бурычларын искә төшереп, аларны вакытында хәл итүгә чакыру.

Әҗәтләр түләнмәгәндә приставлар һәртөрле чаралар күрә. Алар арасында ил чикләреннән чыгаруны тыю да бар. Яңа елдагы озын яллар алдыннан әҗәтләрне тикшерү аеруча актуаль. Закон таләпләрен үтмәгән өчен чит илгә бара алмаган райондашларыбыз да бар.

ФССП идарәсе сайтында мәгълүматлар базасына кереп әҗәтләр бармы, юкмылыгын белеп була. Аларны онлайн түләргә мөмкин. Ә инде тәфсилле белешмәне пристав-башкаручы бирә ала.