Азнакайдан Радик Хаҗиев һәммәсен таң калдырды

Әлмәт дәүләт муниципаль хезмәтләр институтында танылган шагыйрә Клара Булатова исемендәге премия булдырылып, иҗатка тартылган студент һәм укучы балалар арасында бәйге оештыру, аларны бүләкләү матур бер традициягә әверелде.

Азнакай 8 нче урта мәктәбенең 9 нчы "А" сыйныфы укучысы, шигырьләр, хикәяләр иҗат итүче Радик Хаҗиев дүртенче елын инде әлеге бәйгедә катнашып, лауреат исеменә лаек булды. Шагыйрәгә багышлап язган шигырен укып, үзенең баянында Клара Булатова сузләренә язылган "Кырга чыктым, юлга чыктым" җырын башкарып, соңыннан дәртле бию көйләрен сыздырып, бөтен залны таң калдырды. Афәрин, Радик! Иҗат юлында уңышлар телибез!