Азнакайда юллар тәртипкә китерелә

Ул Татарстанда да тормышка ашырыла. Азнакай районында иң беренче булып әлеге проект нигезендә шәһәрне әйләнгеч (Мәнәвез бистәсе чатыннан Тукай микрорайоны чатына кадәр) 2,43 чакрым һәм Рус Акташы – Азнакай аралыгында 2,380 чакрым озынлыкта автомобиль юллары ремонтланды. 

– Эшләр график нигезендә башкарыла, инде төгәлләнеп килә. Искесе урынына югары тыгызлыктагы маркалы асфальт-бетон катнашма җәелде, ике яклап юл кырлары ныгытыла, юл тамгалары сызылачак, чиктәш юл кырлары ясала, – ди автомобиль юллары идарәсенең ПТО әйдәр инженеры Марат Котлыкаев.

Татарстанда “Куркынычсыз һәм сыйфатлы юллар” милли проекты кысаларында быел 108,3 чакрым озынлыкта автомобиль юллары челтәре ремонтланачак. Аларны норматив таләпләргә туры китерү өчен 1,194 млрд сум акча каралган, аның 597 млн сумы федераль бюджеттан бирелә.