Азнакайда тагын бер шагыйрь туды

Азнакайны юкка гына талантлар ягы димиләр. Мәдәниятта гына түгел, әдәбият мәйданына да яңадан-яңа исемнәр өстәлеп тора. Александр Лебедев газета укучыларга лирик шигырьләре белән әле быел гына таныла башлады. Ул Себер якларында туган, урман хәзерләүдә хезмәт куйган. Азнакайда 90 нчы еллар башында төпләнеп эшли башлый. Иҗаты хис-тойгыларга бай. Тормыштагы вакыйгаларны үзенчәлекле итеп тасвирлый белә. Шушы көннәрдә Александр Лебедевның «Поговорим о любви» («Мәхәббәт хакында сөйләшик») дигән беренче китабы дөнья күрде.