Азнакайда шигырь укучылар бәйгесе узды

Бөек Ватан сугышында Җиңүнең 70 еллыгына багышлап балалар район китапхнәсендә шигырь укучылар бәйгесе узды. Анда барлыгы 62 укучы катнашты. Аларга бәяне Татарстан Язучылар берлеге әгъзалары, Татарстанның атказанган мәдәният хезмәткәрләре бирде. Йөрәккә иң үтемле, сәнгатьле итеп Азнакай 3 нче урта мәктәбенең 4 нчы сыйныф укучысы Эмиль Кәлимуллин чыгыш ясады, аңа беренче урын бирелде. Шулай ук аның сыйныфташы, башкару осталыгы белән күңелләрне яулаган Азамат Арипов икенче урынга лаек булды. Чәчмә әсәрләр башкаручылар арасында беренчелекне Илбәк мәктәбенең 7 нче сыйныф укучысы Венера Ситдикова алды.