Азнакайда шефлар яхшы эшли

Район хакимиятенең утырышлар залында мәгариф учреждениеләре һәм алар белән шефлык итүче предприятиеләр җитәкчеләре катнашында киңәшмә узды.

 Мәгариф идарәсе начальнигы урынбасары Нәфисә Шәфыйкова шефлар тарафыннан балалар бакчаларына һәм мәктәпләргә күрсәтелгән ярдәм белән таныштырды.

Муниципаль район башлыгы Марсель Шәйдуллин предприятие җитәкчеләренә рәхмәтен белдереп, хезмәттәшлекнең ике яклы булырга тиешлегенә басым ясады. Кайбер мәгариф учреждениеләре хезмәт коллективларына бәйрәм чаралары үткәрүдә булыша. Район башлыгы бу практиканы киңрәк кулланырга кирәклеген әйтте.