Азнакайда эш урыннары сезне көтә

Азнакайга табиб, укытучы, агроном, зоотехник, шәфкать туташы, менеджер, сатучы һәм тагын бик күп төрле белгечлекләр кирәк

Мәшгульлек үзәгендә теркәлгән мәгълүматларга караганда, бүгенге көнгә районыбыз оешма-предприятиеләрендә 307 вакансияле эш урыны бар. Районга төрле белгечлекләр таләп ителә. Әйтик, гомумпрактика табиблары, акушер-гинеколог, инфнекционист, педиатр, стоматолог... Кибетләргә директорлар, шулай ук сатучылар таләп ителә, кухня эшчеләре, каравылчы, аш-су осталары, төрле эшчеләр, кадрлар буенча белгеч, укытучылар, штукатур... Хәер, аларны санап кына бетермәле дә түгел. Менә шундый ихтыяҗлык булганда, эш таба алмый йөрүчеләрне аңлавы кыен, әлбәттә. Эшләргә теләк кенә булсын...