Азнакайда әдипләрнең балалар өчен язган китаплары экранга менеп “кунаклады”

2015 ел илебездә кино елы буларак билгеләп үтелә. Шул уңайдан районның төбәкне өйрәнү музеенда санаторийда дәваланучы балалар өчен ял кичәсе оештырылды. Әдипләрнең балалар өчен язган китаплары ул көнне экранга менеп "кунаклады". Сүз дә юк, тирән эчтәлекле мәгънәви әсәрләр беркайчан да актуальлелеген югалтмый. Музей хезмәткәрләре аларның нәкъ шундыйларын сайлаган да. Төрле елларда иҗат ителгән, әхлакый тәрбия бирүче бу әсәрләр балаларда зур кызыксыну уятты. Кайсыбыз гына кечкенә чакта "Капитан Грант балалары", "Электроника маҗаралары", "Человек амфибия" повестьларын укып, бу хакта фильмнарны карап үсмәгән?!

Кичә ахырында кечкенә кунаклар музейда сакланучы кинога кагылышлы экспонатлар белән дә таныштылар.