Азнакайда автор-башкаручы Галина Хилова белән очрашу узды

Балалар иҗаты үзәгендә «Җырла, гитара» берләшмәсенә йөрүчеләр һөнәри музыкант, автор-башкаручы Галина Хилова белән очраштылар. Ул скрипка классы буенча Азнакай музыка мәктәбен тәмамлаган, аннан Лениногорск музыка-сәнгать көллиятендә, Казан мәдәният һәм сәнгать академиясендә белемен күтәргән. Бик күп барда җыры фестивальләрендә катнашкан, үзе дә барда җырлары клубын җитәкләгән. Әнисе Зәйнәп Салих кызы Азнакай 7 нче урта мәктәбендә башлангыч сыйныфлар укыткан һәм «Калинушка» ансамблендә җырлаган. Хәзер Галина Хилова Казанда яши. Ул укучыларга башкарыр алдыннан һәр җырының язылу тарихын да сөйләде.