Азнакай укучылары экстремизмга каршы торырга өйрәнәләр. ФОТОРЕПОРТАЖ.

Мәдәни үзәктә кейс форматында "Тынычлык территориясе" республикакүләм түгәрәк өстәле узды. Анда район башкарма комитетының эшләр белән идарәчесе, терроризмга каршы комиссия секретаре Руслан Дәүләтшин, шәһәр прокурорының өлкән ярдәмчесе Дилүс Җамалетдинов, эчке эшләр бүлегенең җинаятьчеләрне эзләү бүлекчәсе начальнигы, полиция майоры Марат Дәүләтшин, Татарстан Республикасының Иҗади яшьләр академиясе хезмәткәре Дмитрий Коваленко Азнакай укучылары белән экстермизм һәм терроризмның төрләре, республикада һәм районыбызда теркәлгән шундый оешмалар, аларга каршы башкарылган эшләр, мондый җинаятьләр өчен законда нинди җәзалар каралганлыгы хакында сөйләштеләр.