Азнакай – туристлар төбәге

Инде хәзер турист маршрут-сукмаклары да салынып, район үзенең истәлекле, ямьле, тарихи урыннарын хозур кылырга чакыра. Җирле санаторийны да илебезнең төрле почмакларыннан килүчеләр үз итте, эзләрен суытмыйлар. Районыбыз кунаклары Азнакай турында бик җылы тәэсирләре белән уртаклаштылар.

Владимир Афанасьевич, Александра Ивановна, Дагыстан республикасыннан килгәннәр:

–Без пенсионерлар, икебезгә бергә – 160 яшь. Һәр җәйдә башта илнең әле үзебез булмаган башка төбәкләрен карап кайтабыз, аннан соң инде Азнакайга киләбез. Быел биредә җиденче җәебезне үткәрәбез. 2015 елда интернеттан бик кыйммәт булмаган, әмма яхшы дәвалану алу мөмкинлеге булмаган санаторий эзләп юлыктык без аңа. Шалтыратып, тулы мәгълүматлар алгач, 2 тәүлеклек юлга чыктык. Һич үкенерлек булмады. Азнакайда безне бик мөләем, кунакчыл каршы алдылар. Санторийда Рөстәм Ибраһимович, аның кул астында эшләүче кызлар барысы да беренче күрүдә үк туганнардай якын кешегә әйләнделәр. Рәхәтләнеп аралашып, ял итеп, сихәтләнеп китәбез. Инде Дагыстаннан Азнакйга сукмак салынды – танышларыбыз да ял итәргә киләләр. Район буенча сәяхәт кылып чыккач, Татарстанның башка төбәкләрен күрү мөмкинлеген дә тудыра санаторий җитәкчелеге. Ходай гомерне бирсә, бер елны да калдырмый киләчәкбез әле.