Азнакай тәрбиячеләре бәйге тотты

Бала тәрбияләү җиңел түгел. Шуңа да бу һөнәрне күңелендә сабыйларга карата мәхәббәт һәм наз, сабырлык тулы затлар гына сайлыйдыр. Ә ел саен балалар бакчалары тәрбиячеләре арасында үткәрелә торган бәйге үз эшләренең иң осталарын ачыкларга ярдәм итә.

«Ел тәрбиячесе-2016» республика конкурсының муниципаль этабында мәктәпкәчә учреждениеләрнең 16 педагогы катнашты. Башта алар балалар белән эшләү тәҗрибәләрен күрсәттеләр. Аннан теоретик өлештә һөнәри осталык дәрәҗәләрен, яңача эш алымнарын, эшчәнлекләренең нәтиҗәлелеген ачып салдылар.

6 нчы «Звездочка» балалар бакчасы логопеды Светлана Илюхина бу бәйгедә беренче урынга лаек булды. 9 нчы «Салават күпере»ннән музыка җитәкчесе Рәмилә Габидуллина - икенче, 18 нче «Улыбка» балар бакчасыннан тәрбияче Эльвира Шәйсолтанова өченче урынны алдылар. Светлана Илюхина һәм Рәмилә Габидуллина зона турында районыбыз данын яклаячаклар.

Эльвира Сәитова, мәгариф идарәсе методисты