Азнакай студентлары, сезне котлыйбыз!

Һәр елны 25 гыйнварда Студентлар көне билгеләп үтелә. Шулай ук бу көнне православие динендәгеләр дә Татьяна көне дип атый. Риваятьләргә караганда, дини карашлы Татиана бик гадел була һәм чиркәү тарафыннан изгеләр рәтенә алына. Ә инде Студентлар көненә килгәндә, императрица Елизавета Беренче нәкъ менә 25 гыйнвар көнне Мәскәү Дәүләт Университетына нигез салдыра. Шуннан бирле Татьяна барлык студентларның рухи ярдәмчесенә "әверелә". Студентлар арасында шундый гыйбарә дә йөри, имештер, имтихан алдыннан аннан уңышлар теләсәң, ул һичшиксез кабул була һәм имтиханны яхшы билгегә бирәсең. Бу көнне студентлар төрле очрашулар, ял кичәләре үткәрә.