Азнакай районы тәрбиячеләре югары һөнәри осталыкларын күрсәттеләр. ФОТОРЕПОРТАЖ.

6 февральдән "Ел тәрбиячесе-2017" республика конкурсының зона турлары старт алды. Аның максаты - сәләтле педагогларны ачыклау һәм алар хезмәтенең дәрәҗәсен күтәрү. Лениногорск шәһәрендә узган зона ярышында районыбыз данын муниципаль турда җиңгән 12 нче "Росинка" балалар бакчасыннан Диләрә Зарифуллина, 18 нче "Улыбка" балалар бакчасыннан Фәйрүзә Хәбибуллина һәм 16 нчы "Әкият" балалар бакчасыннан Гөлнара Зәкиева якладылар. Азнакай, Лениногорск, Ютазы, Әлмәт районнары педгоглары жюри игътибарына теманың методик һәм гамәли нигезләрен чагылдырган иҗади презентация тәкъдим иттеләр, балалар белән чаралар уздырдылар. Азнакай тәрбиячеләре югары һөнәри осталыкларын күрсәттеләр.