Азнакай районы Чубар Абдул мәктәбе укучылары кошларны сыйлый

Үзенең ак таулары, шома шугалаклары белән туган ягыбызда кыш хәкимлек итә. Шушы зәмһәрир суыкларда Табигать-Анабызны ярдәмчесез калдыру безнең тарафтан мәрхәмәтсезлек булыр иде. Мондый көннәрдә кошларга азык табуы аеруча авыр. Бераз гына аларга ярдәм итү максатыннан Чубар-Абдул урта мәктәбенең 2 сыйныф укучылары төрле материаллардан җимлекләр ясап куйдылар. Аларны агачка элеп, җим салдык, күзәтеп торабыз: кошлар киләме, җимнәре бармы? Күрәбез, кошлар безнең җимлекләрне үз иттеләр. Бу эшеләре белән балалар табигатькә азмы-күпме өлеш керткәннәрен тоялар.

Фәсимә Гыймаева, сыйныф җитәкчесе