Азнакай почтальоннары үзенең һөнәри бәйрәмен каршылый

- Почта - ул борынгы элемтәләрнең берсе. Хәзерге заманда да ул коммуникацияләрнең иң гади һәм популяр чарасы булып калып, үз билгеләнешен югалтмый, - диелә муниципаль район башлыгы Марсель Шәйдуллинның Россия почтасы көне уңаеннан почта элемтәсе хезмәткәрләре һәм ветераннарына юллаган котлавында.

- Почта элемтәсе бүген аралашуның иң әһәмиятле төрләреннән берсе. Соңгы елларда тармакка сервисның югары технологияләре кертелә, хезмәт күрсәтү төрләре арта, сыйфаты яхшыра бара. Эшкә җаваплы караш, почта элемтәсе хезмәтеннән файдаланучылар белән эчкерсез аралаша, тыңлый белү, җәмгыять тормышындагы яңалыклардан хәбәрдар булу - халыкка көн дә кирәкле һөнәр кешеләрен әнә шундый сыйфатлар бизи. Көндәлек хезмәтегез өчен зур рәхмәт. Сезгә һәм якыннарыгызга бәхет, гаилә иминлеге телим.