Азнакай Пенсия фонды идарәсе электрон юл белән эшләүгә күчә. ФОТОРЕПОРТАЖ.

ИА "Татар-информ", 13 февраль 2017 - 05:23

517

Районда еллык хисап җыелышлары бара. 10 февральдә Пенсия фонды идарәсе дә узган елгы эшчәнлегенә йомгак ясап, киләчәккә бурычлар билгеләде. Пенсия фонды идарәсе начальнигы Ләйсән Ваһапова алга таба районың барлык страховательләре белән документлар әйләнеше электрон төрдә булачагын билгеләп үтте. Бүгенге көндә оешма һәм предприятиеләр белән 200 килешү төзелгән. 2016 елда пенсия...

Районда еллык хисап җыелышлары бара. 10 февральдә Пенсия фонды идарәсе дә узган елгы эшчәнлегенә йомгак ясап, киләчәккә бурычлар билгеләде.

Пенсия фонды идарәсе начальнигы Ләйсән Ваһапова алга таба районың барлык страховательләре белән документлар әйләнеше электрон төрдә булачагын билгеләп үтте. Бүгенге көндә оешма һәм предприятиеләр белән 200 килешү төзелгән. 2016 елда пенсия эшләре макетларының 70 процентыка якыны электрон җибәрелгән.

Җыелышта район башкарма комитеты җитәкчесе Айдар Шәмсетдинов катнашты. Ул районда башкарылган эшләр белән таныштырды.

Россия Пенсия фондының Татарстан буенча бүлеге информацион технологияләр идарәсе начальнигы Әлфәт Әхмәтҗанов үз чыгышында фондтагы яңалыкларга тукталды, Азнакай пенсия фонды идарәсенең тотрыклы эшләвен, республикада алдынгы позицияне биләвен әйтте.

Соңыннан Ләйсән Ваһапова идарә белән тыгыз хезмәттәшлек иткән коллективлар җитәкчеләренә Рәхмәт хатлары тапшырды.

Резеда ШӘРИПОВА